مرثاة علي القدس

للأب أفرايم الاورشليمي

ياقدس يا مدينة الصلاة والدموع

ياقدس قلبي عليكي موجوع

أجراس الكنائس حزينة

وأصوات المأذن طالعه مخنونه

والشوارع بدل الزحام فيها الآم

منذ الفي عام وقف المسيح يبكي عليكي

ودموعه نازفه ولا هي جافه ولا خافه

لا عرفتي يوم فين سلامك

ولا يوم فرحت قلب يسوع

+++++++++++

ياقدس جاكي فرحك ولا عرفتيش

وجه اللي يوحد صفك ولا قبلتيش

وجه اللي يلين قلبك ولا تبتيش

وجه اللي يغفر ذنبك ويضمد جرحك

وبدل ما تقبليه صلبتيه ولا لنتيش

وفتح علي الجلجثة ذراعاه ولا سمعيش

عاوزة ايه بقي دلوقتي

حتي أولادك بتطرديهم وما بتأويش

+ + + + + + +

يا ارض القداسة والتاريخ والحروب

فين فيك نلاقي للسلام والمحبة توب

دا ياما نادينا علي اهلك عشان تتوب

وكل واحد فيكي بيقول انا مغلوب

وعلي ارض القداسة كل يوم نلاقي مصلوب

عودي لرشدك وعملي للعدل والرحمة دروب

والا يجي يوم كل اللي فيكي يدوب

+ + + + + + +

يا أرض القداسة قلبي عليكي حزين

وفي جوفي حزن وجوه روحي آنين

زمرنا للناس ما رقصوش

بكينا ليهم ولا يوم علي خطاياهم ماناحوش

وعمالين نقول يا ساتر أستر وعنا حوش

دا الناس عمال تأكل بعضها وعامله وحوش

ويقولوا عاوزين من الله أية ولقلة الايمان ملقوش

ومازلنا نصرخ وننادي يافادي

يارب أرحم ولا ردوش